O loo taofia pea i lalo o le vaaiga a leoleo tino maliu ole tama ma le alii talavou lea na aafia soifua i le taimi o taaga palolo i le vaiaso talu ai mai Savaii.
Na taumafai atu mose tala lata mai ile matagaluega o leoleo, ae lei manuia.
Peita’i na ta’ua e le tatou paaga mai totonu, o loo taofia pea tino maliu se ia avatu se faatanaga.
O le faauaua ai ona malelemo o tagata i taga palolo, e le’o mautinoa pe oni ma’i oso, poo le malelemo mai le sousou ole gataifale i lea vaveao.
Ae o loo maitauina, e le’o iai se tulafono e faamalosia ai le faia oni ofu faaola o tagata e o tapalolo.
Vagana ai tagata e o i luga vaa, mo fagotaga o loo iai le faamalosiga e tatau ona faaoga ofu faaola.
O le maliliu pea o tagata i taga palolo mai lea tausaga i lea tausaga, ae e le’o iai lava ni tagata faapitoa ile gataifale o faia ai tagapalolo mo faalavelave tutupu faafuase’i.
Na saunoa ai le tofa a Sooalo, “o lesi lea laasaga ua tatau ona taga’i iai le Pulega o faalavelave faaufasei, mo taimi o le palolo e tufa ai a latou aufaigaluega , i gataifale o loo tumutumu ai tagata ta palolo mo le puipuiga o soifua o tagata mai faalavelave tutupu faafuasei.
Atonu e sefe mai ai soifua maumau ona o taga palolo.
