Taofiofi gata tupulaga faigaluega a Samoa i le malaevaalele

SHARE NOW

Molimauina mai le faanoanoa o se vaega o matua  matutua ole pasese a le vaalele mai Niusila, lea na taunuu mai ile aoauli o le Aso Sa, 29 Me i Faleolo.

O le faanoanoaga o matua nei ona o amioga na faaali ele toatele ole  aufaigaluega faavaitaimi na latou malaga faatasi mai ile vaalele .

Na amata mai lava le amio le ava ma le le taupulea a tupulaga ia, ile taimi na faatali  ai mo le o i totonu ole vaalele.

Na le mafai e tagata ofisa e siaki ma faasoloa le pasese i totonu ona faafilemu le pisapisao le vaega o tupulaga a Samoa , le au faigaluega faavaitaimi. Ua latou poloka le laina faasolo.

Ma i’u ai lava ina ave iai e tagata ofisa o le vaalele le faamuamua e o a ii totonu ole vaa talu le vaovaogata.

Ae ua solomuli i tua matua matutua ole pasese, e aofia ai ma pasese first class e mulimuli ona o i totonu o le vaa, talu le pisa ma le faaali o amioga le taupulea a le aufaigaluega.  Ua leai se ava pei ona molimauina mai e matua na malaga mai le vaalele.

Peita’i sa faapea matua ia e gata ai Aukilani, ae oo mai foi i Samoa ole faaletonu lava e tasi,  ina ua vaovao gata e nonofo i lalo, talu e lei oo i le taimi e saogalemu  ona tutu ai i luga.

O saunoa le tatou paaga ole tama matua na sau ai ile vaalele, lea, e tatau ile malo o na faia ni aoaoga ole amio ale aufaigaluega faavaitaimi , aemaise i nofoaga faitele, aua o le igoa o Samoa o loo feoa’i ma latou.

Ole vaalele lea na taunuu mai ile Aso Sa 29 Me , na malaga ese atu ai foi lesi vaega o tagata faigaluega faavaitaimi.