Ile ‘ava o le feiloaiga na avamua faafeagaiga e toalua a le Atua na auai ma faamalumalu ile feiloaiga a taitai o malo e lua.
O le ‘ava a le afioga i le Palemia o NIusila, Jacinda Ardern, sosoo atu ai failauga e to’alua ole usu faafeiloa’i, ae moto ile afioga i le Palemia Fiame Naomi Mataafa.
Ile saunoaga faafeiloa’i mai a le afioga i le Palemia o Niusila, Jacinda Ardern na ia aloaia ai le ulua’i Palemia o Samoa, na ia sainia lenei feagaiga, Ma toe saga aloaia ai e lana saunoaga, le ma’eu ai ole 60 tausaga mulimuli ane, ae toe faamanatu ai e le ulua’i Palemia o Samoa o loo iai nei, afioga a Fiame Naomi Mataafa, o le alo ole Palemia o Samoa ile 60 tausaga talu ona faavae mai lenei feagaiga faaleuo ma NZ.
O se vaega taua foi lea o le faamanatuga ole feagaiga faaleuo , i le atoaga o lona 60 tausaga pei foi ona afea i le saunoaga a le Afioga i le Palemia Fiame Naomi Mataafa, ma ia aloaia ai foi lona tua’a. Afioga Fiame Mataafa Faumuina Mulinuu ll.
Na faafetaia e le Palemia o Niusila, le valaaulia o lona malo i le sauniga taua pei ona faamanatu ai nei le 60 tausaga.
Ma e leai se isi atunuu o le pasefika o iai se maliega faapea pei ona faia ma Samoa. E tu matila lava le fegaiga lea a Samoa ma NIusila.
Ma faaauau atu ai ile aso 2 o Aukuso le taligamalo a Samoa, ile feiloaiga ma le Ao o le malo, faapea taitai o le faigamalo a le FAST Faatuatua i le Atua Samoa ua Tasi , ae ole fono ma le vasega o Tusitala.
