Ole afioaga o Faaalia Palauli lea ua amatamea mai le latou polokalame ae o tapenaga mo le faailogaina o le 60 tausaga o le malo tutoataqsi o Samoa.
E amata mai lava i le 6 ile taeao o le aso Lulu, amata le solo faaaloalo, o faletua ma tausi o saoao, o alii ma faipule o le nuu.
Taunuu mai ile laoa o Lagaaia i Lagoleua , ma tutulalai uma ai le nuu atoa ile sisiina ole tagavai a Samoa,
Ona faagasolo lea o tulaga o le polokaalme o faafiafaiga, a tamaitai, male komiti aoao o le nuu, ae o siva faaleaganuu, a aumaga ma matai o le afioaga o Faaala Palauli.
Sosoo atu ai ma taaloga, voli, kilikiti, netipolo, basket ball, ma lakapi.
Ma faauma ai ile faapotopotoga i le 5 i le afiafi, mo le tuuina i lalo o le fu’a. ae o polokalame faaopopo e faaaua lava mo le vaiaso ma le tausaga atoa .
Ua faamauina foi le auai atu ole afioga i le faipule, ole itumalo, Susuga Lagaaia Siaki, Pei ona faamaonia mai e le Susuga a Tapusoa Faafia, ma le Susuga a Lagaaia Taamu.
