Ua tapena ai faalapotopotoga a Samoa i Kalefonia mo le fu’a masani ai a Samoa i Setete ole malo tele e aofia ai le setete o Kalefonia ma Utah.
Peitai ole amataga o le vaiaso nei na tauaao ai e le faalapotopotoga a le FAST USA, i Kalefonia le faamaoniga tusitusia mai Samoa, ole malaga mai a se vaega ole FAST, e feiloa’i ma Samoa i Kalefonia.
Talu ai ole taimi lenei o lo o feagai aiga ma matua ma faauuga o fanau, sosoo ai ma isi aso faapitoa i Amerika, ua tuu atu ai i le masina o Novema 2024 lea feiloaiga , e tusa ai ma le i’ugafono a faalapotopotoga Samoa i Kalefonia.
E ono toe suia lea taimi , peita’i ole faalapotopotoga, o loo taulamua ai se vaega o tamalii mai Amerika Samoa ma Samoa Tutoatasi, o alii ma tama’itai.
O le auga o le malaga mai o se vaega o faipule o le FAST e le gata ole latou asofanau, ae o iai le faamoemoe mo se maota ole vaega faaupufai, e faafoe mai ai lona ofisa.
Talu mai taimi o tapenaga ole palota tele, sa faaaoga mai le Maota Samoa i Vaitele e fai ma ofisa ole FAST.
