4 Tesema 2024 Ole aso 25 o fepuari ole tausaga fou ua fuafua ai le taaloga a le alii fusu lauiloa I Samoa ma le lalolagi atoa Lupesoliai Laauliolemalietoa Joseph Parker olea iloilo ai ma se tasi o alii fusu lauiloa ia Daniel Dubois ile fusi o le IBF lea na uumia muamua foi e Joseph Parker talu ai.
O Joseph Parker o le fili sili lea e lu’iina Daniel Dubois mo le siamupini a le IBF i le paga mamafa a le lalolagi, ma e pei ona valoia e le tusitala o fusuaga iloga o Dan Rafael i le vaiaso na te’a nei.
O lea fusuaga ua fa’amaonia mai o le fusu’aga ua leva ona faatalitali iai pe faataunuu ao lumanai ai le fusuaga a le alii fusu ia Artur Beterbiev vs Dmitry Bivol i le siamupini o le paga mamafa ma le paga mama a le lalolagi.
O Dubois, 27 tausaga, na manumalo ile tu’ioti ile la taaloga sa faia male alii Amerika le alii o Anthony Joshua lea na faiaina ai Joseph Parker ia Mati ile 2018.
O le alii Samoa Niu Sila o Lupesoliai Joseph Parker, 32, na umia le fusi o le WBO i le va o le 2016 ma le 2018 ae lei faiaina ia Joshua.
Toeitiiti atoa le sefulu tausaga talu ona manumalo Parker i le fusi WBO taliu mai le la taaloga ma le alii o Andy Ruiz Jr i Aukilani.
O le fusuaga lea o lea faia ua faaigoaina o le ‘The Last crecendon ma o le atunuu o Saudi Arabia lea o lea talimalo ai I lea taaloga mataina a tama fanau a le atunuu.
