Tapena le au ta’a’alo a Tutuila ma Manu’a

SHARE NOW
E lata ile 200 le  taaalo ma le pulega a Amerika Samoa sa fai faapitoa iai le lotu ole faamanuiaga ma  talosia ai  le masii atu i taaloga ole Pasefika i Solomona, ma avatu iai le faamalosiau a le sui Kovana, afioga a Talauega E.V. Ale, ile taua o le tagata taalo mo ia ae o lona atunuu, o loo tapua’i atu.
E $200,000 tupe Amerika ua tuuina atu e le malo e faatupe ai le aumasii a Tutuila ma Manu’a.
O le sauniga ole faamanuia faaleagaga na taitai e Reverend Leitualasa Malieitulua .
Ole afiafi nanei, lea e tuua ai Amerika Samoa e lana au taaalo mo Solomona.
Ole 185, ole au e aofia ai faiaoga ma le pulega, faaopopo iai ma le au lakapi a alii ma tamaitai e malaga sa’o ane i Solomona pe’a uma taaloga ole Oceania a le fitu i Ausetalia.