E toe tasi le vaiaso ma aso ona tuua lea e le au volipolo a tamaitai Samoa, ae malaga atu i Solomona mo taamilosaga o taaloga eseese o le Pasefika 2023.
I le tatou faatalanoaga ma le faiaoga ulu o le au volipolo le susuga ia Vaonuu Aiaraisa, ua mautu ma lelei tapenaga ma toleniga, ae o tasi lava le vaega o loo faafaigata ai.
O le tau sailia lea o se auala faigofie e tuufaatasi ai nisi o tamaitai o le au o loo i Ausetalia ma Niusila, ae o loo faatino lava a latou toleniga.
Na amata tapena mai lava le au i le masina o Aukuso, ma le faamoemoe ia maua se ai mo le tapuaiga a Samoa.
“Taimi nei ua maualuga tapenga, ma o loo taumafai lava se mafai e gata ai, ina ia tuufatasi alo ma fanau, ona o le taimi nei o loo aumau nisi i atunuu e mamao e pei o Niusila ma Ausetalia,”
Ua iai le faamoemoe o le aso 15 o le masina lenei e masii atu ai loa le au volipolo tamaitai a Samoa mo taaloga o le Pasefika 2023.
“O le masina o Aukuso lea sa amata tapena mai ai, ao ua iai le faamoemoe tuua Samoa i le uma ane ole tasi le vaiaso o toleniga o loo totoe,”
O le au volipolo tamaitai lea a Samoa sa pine Siliva i taaloga a le Pasefia sa faia i Samoa i le tausaga e 2029.
