Ua tapena ai le SVSG, Samoa victim Support Group mo le tausaga ua savalia nei, ile atoatoa o lana tautua, ile saogalemu o soifua o tagata e sulufa’i atu iai.
E ala ile aoaoga e toe faafou ma faafelesi ai le aufaigaluega, ile saogalemu ole tamaititi Child Safeguarding 101.
O lesi lea auga o galuega faatino a le Toomaga mo e puapuagatia, i ona tiute faalefaalapotopotoga , ole saogalemu o le tamaititi, child safe organization.
Ina ia iloa e ana tagata faigaluega ona faaauau le fesoasoani e aunoa ma le aafia ai o lagona poo le tino ole tagata sulufa’i, poo le tamaititi sauaina ua oo atu i lo latou ofisa.
O aiaiga o lea laasaga i galuega faatino, mo le saogalemu ole tagata sauaina, o le taunuuga e aofia ai ma le faapepa o faamaumauga, ina ia fai pea ma mata’itu ai le agai i luma ole SVSG, ma avatu iai le lagolago a le Tautua Program, ile faapaaga ile va o le malo o Samoa ma Ausetalia.
Peita’i o loo faaaua lava ona faafetaia e le pulega o le Toomaga le alofa tula’i ole atunuu, i oloa o fesoasoani ile tausiga ole silia ile 100 fanau, mai le pepe ile 18 tausaga o loo tausia ai nei ile campus of Hope i Tuanaimato. Ua faamauina foi le alofa mai le aiga o Pele ma Faaiuaso ile vaitau o aso fiafia, ua ose tasi foi o faamalosiau ile aufaigaluega, pei ona saunoa le Peresetene, Siliniu Lina Chang.
