Tapena le usugafono a Samoa i Aikupito

SHARE NOW

O le lona 27 a’i lea o fonotoaga tuufaatasi a le lalolagi ua ta’ua ole COP27, poo le Conference of Parties e aofia ai ma Samoa o le a usuia i Aikupito, mole lua vaiaso muamua o Novema 2022.

Peita’i o le auga lena o le feiloaiga a le Minisita o Puna’oa Faalenatura ma Siosiomaga, le Afioga ia Toeolesulusulu Cedric Shuster ma Sui mai Matagaluega Tumaoti, ma Matagaluega a le Malo e pei o le Matagaluega o Oa faanatura ma le Siosiomaga,  [MNRE], Matagaluega o le va i fafo [MFAT], Matagaluega o faatoaga ma Faigafaiva [MAF], Matagaluega o Tina ma Tamaitai ma Aga Fesoota’i [MWCSD],

Matagaluega o Tupe [MOF], ma nisi o sui mai le COP, i le Lava Hotel ile taeao o le aso Gafua.

O le manulauti ia auai uma sui o le Malo, o pisinisi ma faalapotopotoga tumaoti, ina ia faatalanoa ma
tapenapena faatasi mo ni mataupu talafeagai mo le fonotaga ia Novema o le tausaga nei.

Na saunoa le Pule Sili o le Matagaluega o Puna’oa Faalenatura ma Siosiomaga, le Afioga ia Lealaisalanoa Frances Brown-Reupena, e lua ni vaega oloo momoli mai totonu o lenei fonotaga.

“Muamua: o le fesoasoani lea e faaititita aafiaga mai suiga o le Tau e ono aafia ai soifua o tagata ma a latou mea totino aemaise   aseta a le Malo.

O le isi vaega, o le fesoasoani lea ini auala e faitiita ai kasa kaponi oloo faaleaga ai Malosiaga faafouina poo [Renewable energy] ma uuna’ia malosi suiga o le tau.

Saunoa le Minisita o Matagaluega o Puna’oa Faalenatura ma Siosiomaga i lana Saunoaga autu:
“E taua tele lenei mafutaga faaleaoaoga po’o le workshop, ia nofo malamalama uma ai sui taitasi ole a fai ma ave fu’a a Samoa i lea fonotaga, i taumafaiga o a latou galuega faatino ma faapaaga, poloketi, ae le gata i  Samoa ae o isi Motu o le Pasefika.
Aua o se tasi lea faanaunautaiga a Samoa ma isi Atunuu uma o le Pasefika e u’una’ia Atunuu tetele o le Lalolagi ia faaitiitia a latou kasa kaponi mai a latou fale gaosi kiso ma suauu.”

E 2 vaiaso o Novema lea ua faamoemoe e faataunuu ai lea fonotaga,o le isi vaega o le aumalaga e gafa ma tulaga tau mataupu o le a muamua.

Saunoa Lealaisalanoa “o se luitau tele lea i tagata Samoa ma le Pasefika, o le le lava o sui poo tagata e auai atu i lenei fonotaga ona o le utiuti o le seleni mo femalagaaiga.