E le’o faaititia soligatulafono i le Pasefika, ma ole auga o le feiloaiga a taitai o PTCN, Pacific Transnational Crime Network, ua faia mai i Samoa i le vaiaso nei.
Tatala aloaia i le aso, i le TAumeasina Island Resort. Ole PTCN, Ole vaega lea o leoleo faapitoa i matagaluega o leoleo o le Pasefika, e galulue faatasi mo le puipuia o atumotu mai soligatulafono.
O i tonu lea e galulue faatasi ma faasoa ai faamatalaga o soligatulafono ile Pasefika, na faavae talu mai le 2002. O le fono i le vaiaso nei, e tatala aloaia e le afioga i le Minisita o le Matagaluega , afioga Faualo Lefau Harry Schuster.
O le usugafono lenei e aofia ai, 28 Transnational Crime Units (TCU) across 20 PTCN member countries,i totonu o atunuu e 20 o le Pasefika, .
Ma o le tatou atunuu lea o loo taula mai iai galuega fai faatasi a Ofisa nei i le tatou itulagi, poo le Pasefika. Ma o loo faamautu i le pito i luga o le fale o le Malo i le eleele fou, talu mai le 2008. O le PTCN Pacific Transnational Crime Network o le polokalame a taitai leoleo ole Pasefika, e lagolagoina i lalo o galuega faapaaga, faalapotopotoga o Ofisa Femalagaiga Pacific Immigration Development Community (PIDC) ma le OCO Oceania Customs Organisation faalapotopotoga o PUlega o Tiute o lenei itulagi.
Ma o le tausaga lenei, ua atoa iai le 20 tausaga talu ona avea ma faalapotopotoga faamalosia le tulafono i itu tau galuega fai faatasi i mea tau faamatalaga.
Ma o le auga ole fono, ile faalautele le silafia ma uania le galulue faatasi o ia Ofisa mose Pasefika saogalemu. Lea ua faatoa toe fono fevaaia’i lea talu mai le 2019, e ese mai galuega faatino iluga fesootaiga televave. Ma ole a tofu lava le vaega ia ma latou taitai e fetufaa’i ile tolu aso ua atofa mo le feiloaiga i Samoa nei.
