Tapuni e le Suesuega Faapitoa nisi o Pisinisi faasolitulafono

SHARE NOW
E le’o toe tuuu avanoa lava le Suesuega Faapitoa mai Matagaluega atofa a le malo o loo faia suesuega i pisinisi ma tagata mai fafo ua fai ai nei Samoa ma o latou apitaga e saili tupe ai i auala faasolitulafono.
Mai le tatou paaga faamoemoeina i totonu, (o tatou taofia lona suafa ona o puipuiga o lana galuega) o taulamua i le faiga o nei suesuega,  ua le tasi, lua , pe tolu kamupani Saina ua tapuni ma toe faafoi o latou tagata nuu Saina.
Talu e maua ane, e le gata ina solitulafono le nofo i Samoa, ae e solitulafono foi auala o loo faatino ai le Pisinisi.
O lesi tulaga o le’a laa iai o le fautuaina lea o le Malo e toe teuteu lea o le tulafono o loo mafai ai ona faaaoga e le au fai pisinisi mai fafo o tatou tagata e faapito mai i luma o se pisinisi, ae o tua atu o loo faatino ai le solitulafono.
E le na’o tagata mai Asia o loo nofo faasolitulafono i Samoa nei. E iai foi le palagi Niusila, ua faitau tausaga o ave pea iai e le Ofisa o Femalagaiga a Samoa le avanoa, ona faapea o loo faatali ana faamasinoga o ana tagi faasaga i tagatanuu Samoa e totogi atu ana tupe.
Peita’i ia tatou sailiga, ua iloa ai, e le’o mafai e lena tagatanuu Niusila ona ia faamalie manaoga o le faamasinoga i ni molimau e faamautu ai ana tagi. O molimauina mai foi e le tatou paaga fai faipisinisi Samoa, o le tama Niusila e le gata ina nofo overstayer pe faasolitulafono i Samoa, ae o loo aitalafu foi i le kamupani a le aiga Samoa.
O loo taatia ai nei i le faamasinoga le tagi a le tama Niusila  lava lea, e le’o iloa se taimi e valaau ai.
I suesuega  lava nei a le Vaega Suesue faapitoa mai Matagalega atofa a le malo, ma muamua o tatou lipotia i le lua masina talu ai, ua toe faafoi ai i Saina lona tagatanuu lea na faia le fagu malosi  o le Rover i Vaitele, ua taofia, talu le solitulafono foi o auala na faatino ai.
Peita’i o ta’ua e le tatou paaga faamoemoeina mai totonu ole suesuega lenei, e le toe tuuavanoa lava i tagata mai fafo o loo nonofo ma saili o latou manuia faasolitulafono, faaaoga ai o tatou tagata nuu ma a latou mea totino i Samoa nei.