Ua tapunia le tumau ai nei le paka o tafaoga le friendship park mo savaliga ma tafaoaga ina ua maitauina e le Pulega o turisi, ua le saogalemu mo alo ma fanau ae o le mamalu o le atunuu talu le faaleagaina o nisi o vaega e galu maualuluga ile Aso Gafua ma le Aso Lua o le vaiaso nei.
Ma tuuina aloaia mai ai loa se faasalalauga ina ia taofia ai le mamalu o le atunuu mai le agai i tua o lea nofoaga mo tafaoga masani.
Peitai faailloa manino e le Ofisa Sili o le Vaaitau le afioga ia Luteru Dr Tauvale e leo iai se afa o latalata mai i Samoa ma ono faapopoleina ai le atunuu.
Pau le tulaga o le itu i Matu o Samoa lea e feagai ma le vaega e agai mai ai auma i taimi e te’i mai ai le tai, ma o vaaiga masani i uiga o le tau, ae aua le popole vale, oloo kilia Samoa.”
O lea atugaluga e mafua ona o se vaaiga i le taeao o le aso Lua, ina ua pa’ulia le vaa faagota o le ‘Fu Yo Yu No.8’ i luga o maa e lata ane i le matafaga i Vaisigano, na fetaa’i ane e galu malolosi e foliga o ni galu afa.
Ua galulue nei le pulega e toe faaleleia le friendship park i vaega sa faaleagaina e galu seia mautinoa ua saogalemu mo le agai iai o le atunuu.
