Na tatala aloaia ile amataga ole vaiaso nei se aoaoga faapitoa mo laufali uma a le FFS ile nofoaga Technical Centre i Tuanaimato.
E lima aso o lenei aoaoga olea faatautaia e Alejo Perez Leguizamon le faiaoga ole soifua maloloina ole FIFA ma o ia foi ole faiaoga laufali maualuga ole OFC ma lona laufali fesoasoani o Kelvin Stoltenkamp taitai ulu o laufali ild OFC.
Ae le gata ai i lea olea fesoasoani iai Maria Akenese Masina faiaoga malosi ma Malaetala Salanoa faiaoga tau Technical Centre a le Football Federation Samoa.
Ole auga o lenei faamoemoe ina ia unaia laufali ile poto masani aua le faatinoina ai o taaloga soka e le gata i totonu ole atunuu ao atunuu i fafo e le gata i lena ao le taitaiina ai o soo se taaloga, ma o nei aoaoga olea maua ai ma tusipasi ma le Oceania Football Federation pea mae’a aloaia le faamoemoe.
E oo atu ile toa sefulu i latou o lea mafai ona auai atu i lenei aoaoga taua, ona ole latou faanaunautaiga ia mafai ona faaleleia ma faalauaitele lo latou silafia ile itu tau laufali i Samoa.
