Tatala aloaia galuega a le Matagaluega o faamasinoga

SHARE NOW

O le afioga ile Faamasino Sili, Satiu Simatima Perese, na saunoa ile sauniga e tatala aloaia ai galuega a le faamaisnoga 2024, ananafi.

Na ia aloaia maave eseese na auai ile faamoemoe, e aofia ai ma le faafegaiga, ma upu faalaeiau, ae e lafo atu i le Atua le faamoemoe ina ia faasino ala ma faatonu ala mai lona Agaga Paia.

Na amanaia foi i lana saunoaga le auai atu a le afioga ile Sui Palemia, faapea Minisita a le Kapeneta, ae o le Fofoga Fetalai ma Sui ā Faipule o le Palemene ile auai atu.

Na ia faafetai le Faamasinoga ile faamoemoe ua taunuu. Saunoa le Faamasino sili, ‘”E tele galuega a le faamasinoga e fuafua mo lenei tausaga.

Amata mai i le toe faaauau o faamasinoga i lenei vaiaso, pei o tulaga masani.
Na talosia foi ia taunuu manuia le fonotaga a Faamasino Sili a le Pasefika i le masina o Fepuari.

Fa’amasino Sili mai Niu Sila, Papua Niu Guinea, Tonga, Niue, Fiti, Solomon Islands, Nauru, Marshall Islands ma Vanuatu.

E tolu aso a lea faamoemoe, e soa ai le pule i mataupu taua mo i tatou nei i le Pasefika.

O lesi laasaga taua o lenei tausaga pei ona saunoa le faamasino sili, e toe tofi
seisi faamasino mo le faamasinoga maualuga; ma tofi foi ni faamasino to’a tolu mo le faamasinoga fa’ale itu malo.

E le lilo i le silafia e le Atunuu ua amata na aliali mai le tele o mataupu solitulafono matuiā e mafua mai I le faaaogaina o vaila’au faasaina.

E tatau na tapena iai le faamasinoga mo taualumaga o na mataupu, aua le saogalemu o Samoa ma ona tagata.

Na ia faafetaia foi le malo, ile fa’asaina ole ‘ava malosi e masani na ta’ua o le rocket po’o le jet fuel.

O le lagona o faamasino, ua pa’ū le aofa’i o mataupu solitulafono e mafua mai i nei ava malosi, e āfia ai a tatou tagata.