Ua faasilasila faalauaitele mai ai nei e le itulau a le Malo e tauala mai ile Ofisa Malaga a Niusila le tatala aloai ai lea o le faatumuina o pepa talosaga mo le Quota 2023.
Peitai ua faailoa mai foi le mafai ai lea ona faatumu o lau pepa talosaga i luga o le upega tafailagi, ma ua maea foi ona tuuina mai i luga le faailoilo e te oomiina ma faatumu ai lau pepa
O lenei se’i poo le kuota e ofo mai e Niusila e saili ai ni avanoa o tagata o le Pasefika e maua ai o latou avano sitiseni nofomau i Niusila, ma ua faitau afe tagata Samoa ua faamanuiaina ai.
Faatoa toe tatala le Quota ile tausaga ua mavae talu mai lava sa ma vavao o le Koviti na tapunia uma ai femalagaiga ma mea uma.
O le tausaga foi ua mavae na amatalia ai ona faaopoopo le isi 550 avanoa mai le 1,100 o le fuainumera masani o avanoa o lenei se’i ,ma maua ai le 1,650 o avanoa e faamanuiaina ai tagata Samoa mo visa nofomau i Niu Sila.
O aiaiga o nei avanoa ua na o i latou e 18 tausaga e oo atu i le 45 tausaga le matua e mafai ona apalai.
E amata faatumu pepa talosaga i le aso le aso muamua lenei o Aukuso ma faamuta le aso mulimuli aso 31 o le masina lava lenei.
