Ua tatala ai nei e le UTOS le avanoa i Itumalo e 51 ole atunuu, e teu atu ai ni a latou vaega tupe o le latou miliona, e faafaigaluega ai.
Pei ona saunoa le Minisita o Tupe, Lautimuia Uelese Vaai ile taimi o le fono faaletausaga a totino ole UTOS 2024.
Saunoa Lautimuia, “ua tatala le avanoa, e mafai ai ona teu fa’afaigaluega se vaega o lenei seleni a Fono Fa’avae, i totonu o le UTOS.
Peita’i i lana saunoaga lava lea, na ia folafola mai ai foi:
“O le ā fa’amaeaina o pasene mulimuli o le si’itaga lautele o totogi mo tagata faigaluega a le Malo i le tausaga fa’aletupe 2024/2025, e tau talitali ai le si’itia o le tau o le soifuaga. A’e o nisi nei o vaega e talitonu le tatou Malō e tatau ona gālulue iai le UTOS, e ono si’itia ai fa’amanuiaga, ma fa’asafua atu ai le manuia i le lautele ole tatou Atunu’u.
• Ia saili nisi avanoa e teufa’afaigaluega ai seleni i totonu o le tatou atunu’u ma le atu pasefika ia si’itia ai tupe maua ma le aufaiiunite.
• Ia fa’aau’au pea ona fa’alauiloa auaunaga a le UTOS i nu’u i tua ma ia si’itia fa’alauiloa e fa’atino i le motu tele i Salafai.
• Ia fa’atupu laia le numera o tagata fai iunite e lē gata i Samoa nei, ae fa’apea ma tatou tagatānu’u o lo’o aumau i atunu’u mamao.
• Ia feso’otai ma le Matagaluega o Tupe, e fa’atini ni polokalame fa’alauiloa ma asia alo o lo’o galulue i galuega fa’avaitaimi i Niu Sila ma Ausetalia.
• Ia fa’aauau pea ona tapu’e ma atia’e e le UTOS oloa ma auaunaga fou e fa’aaogaina ai feso’otaiga fa’aneionapo pei ona saunoa Lautimuia, le minisita o tupe.
Peita’i ua avanoa ai itumalo e faafaigaluega se vaega seleni o le latou miliona tala ile UTOS.
