Ua amata atu ai ile aso faamaumauga o le tatala aloaia ai o faafiafiaga o le Sisiga fu’a lona 60 ole tutoatasi ole tatou atunuu i Salafai.
Mo le taimi muamua i tala faasolopito o Samoa, ua ave ai sea foi faaeaea maualuga i le motu tele ile motu tele i Savaii. Ua masii atu ai le malo, e aofia ia le afioga i le Palemia, ma le malo faaaloalogia, le Kovana ole malo o Niusila, ma lana aumalaga mamalu.
O minisita o le Kapeneta ma faipule o le maota. Ua faatasia uma ai ile malae o le aoga o Matata eseese a le Ekalesia Katoliko , le Don Bosco i Salelologa. Ua atofa iai faafiafiaga su’ifefiloi , se ia ta le 12 ile aoauli.
Ae ole aso Lulu a taeao, o le ‘a toe faaaua ai taualumaga o faafiafiaga ma sasa ile eleeele fou, i tafamaota ole malo, ae o le nuu o Tulisi. E ese mai ai faafiafiaga i itumalo ma afioaga ta’itasi, i Upolu nei, faapea Savaii.
Ae o le taamilosaga a le afioga ile Kovana o Niusila ma le malo, i Savaii, i le uma ane o fiafia , lea ua molimauina mai o le’a tali malo ai le afioaga o Sala’ilua ile aso.
Ta’ua mai e le tatou paaga i totonu o le nuu, le pisi o latou i tapenaga o latou taligamalo, ile taunuu atu o malo. O le nuu lea o le afioga i le tamaitai faipule o lea itumalo, ole Minisita foi o Tupe a Samoa, Mulipola Analosa Ale Molioo.
