Ua faamaonia mai i se pepa o faamatalaga ua taulimaina e le Matagaluega o Faatoaga ma Faigafaiva i Samoa nei mai i le Matagaluega o Faatoaga, Faigafaiva ma Folesi a Ausestalia, le tatalaina o le auina atu o ‘ulu mo faamomoli a tagata taitoatasi.
Ua avea foi lea ma se matatia i lenei vaitau le auina atu o le ‘ulu vela mo le fofoga taumafa a nai o tatou tagata o loo nonofo ma alala i Ausetalia.
Peitai o aiaiga e tatau ona ausia mo le auina atu o ulu ua maea ona favela,
E le manaomia se pepa fa’aasu. E mafai ona ave ma pa’u ulu ma mautinoa ua vela lelei. Ua na o faamomoli e le i luga atu ma le 20 Kilokalama le mamafa e mafai ona ave. E tatau ona faaaoga atigi pusa umu fou ma mama e teuina ai i totonu ulu ua maea ona faavelaina lelei. O le a asiasia uma ulu vela i le toai taunuu ai i Ausetalia.
E moomia se faatagana faapitoa mo faamomoli uma e i luga atu o le 20Kilokalama lona mamafa. E iai aiaiga faapitoa e tatau ona faamalieina muamua pe afai e fia auina atu ulu vela mo tulaga faapisinisi.
