Tatala le falefasimoa a Frankie i Mulifanua

SHARE NOW

E afe moa e mafai ona faamama ma fao pusa i totonu o le itula le saoasoa ole fale fasi moa, a Frankie lea ua tatala i lona falegaosi oloa i fanua ole STEC Samoa Trust Estates Corporation i Mulifanua. 

I le faamatalaga faapitoa mai le Ofisa o le Minisita: 

“Ole aso Tofi 8 o Iuni aso Tofi vaiaso talu ai, na asia ai e le Minisita o Faatoaga, STEC Authority  ma le Export Authority Laaulialemalietoa Leuatea Schmidt le tatalaina aloaia o le atinae fou lea a Frankie. 

O se tasi o faamaite ua lagolagoina e le  Export Athority poo le Pulega o Oloa faatau i fafo. 

I le faamatalaga aloaia mai le Ofisa o le Minisita, le taatia ai ose   faasinoala mai le kapeneta talu mai Fepuari 2023, ma o loo faagasolo ai lona faatulagaga, ile galulue faatasi ai o le STE male kamupani a Frankie ile atinaeina o le fale fasi moa.  

Ole Pulega o Oloa faatau i fafo, poo le Export Authority, o loo taitaifono ai le Susuga Tagaloa Eddie Wilson, ma le totino, Papalii Panoa Tavita Moala, o le sui CEO o le STEC Natasha Kolose, ma le sui o le KVA consultant Afoa Kolone Vaai , o malo faaaloalogia na ole sauniga tatala o le fale fasi moa i Mulifanua, ma faafeiloa’i faapitoa e le Pule faatonu o le Frankie Group, Pitovaomanaia May Cai. 

Ma molimauina ai e le asiasiga a le Komiti le faasologa atoa ole fale fasi manu, faatino e masini sosolo mai ose taupega o moa ma fulufulu, faasolo ane ile faamama e uma ane le 60 minute ua oo atu i le afe moa ua uma ona faopusa mo le faatau. 

 Na faafetaia ai e le Minsita le Pule faatonu o Frankie Group ma le aufaigaluega, ae o le lagolago malosi ile faaatoatoaina o lenei atinae, mai le Pulega o le STEC ma le Export Authority.

Saunoa foi le Minisita, o i tonu lava le maua ai le sootaga o le poloketi miliona tala a nuu , o loo la’u oloa e atinae ai pamoa, e manauia ma faatau atu ile fale fasi moa. 

Ua faaalia ai foi le fiafia ole taitaifono ole Oloa faatau i fafo, Tagaloa, talu e oo atu il le $60miliona ile tausaga tupe o loo alu i fafo ile faatauga mai ole moa. e tusa o le 1000 tane moa e faatau mai ile masina. 

O le Poloketi lea a Frankie, e le na’o le pau ai lea , o folafola ele Minisita, e tele ia faamanuiaga faapea o mulimuli mai, mole atinaeina  faatoaga, ae o le faatumauina ona maua taumafa a Samoa, ma siitia ai foi ana oloa faatau atu i atunuu tuaoi.”