Tatala le fono a Talavou o Samoa

SHARE NOW

E na’o le 12 aoga ile atunuu, e ana tamaiti aoga na auai ile tatalaga o le Samoa Youth Forum poo le Fono a tupulaga talavou.

Faatasi ai ma le sui Amupasa a Amerika i Samoa, Mark Hitchcock, o le Komesina o Sulufaiga, Luamanuvao Katalaina Sapolu ma le faamasino o le faamasinoga Maualuga, Justice Nelson.

O le fono na tali malo ai le Ofisa o Sulufaiga, Ole Ofisa foi lea o aia tatau a tagata i Samoa, ile galuega faifaatasi ma le Sootaga ile aia tatau a tamaiti, Justice Nelson, ae o le faatupega ale Malo Amerika, faauala mai lala o le malo tele , mo atinae favaomalo, poo fesoasoani a Amerika USaid.

Na saunoa ai le sui ole malo o Amerika, e faaauala mai sootaga nei faapaaga ma le fono, e mafai e lona atunuu ona lagolagoina le leo o tagata talavou i Samoa, e faamalosiau iai latou e auai atu i faiga faalevaomalo agai i le lumanai.

E $19.8miliona tupe Amerika, ua faaauala mai ai le fesoasoani a le malo tele o Meleke, i sootaga ma atumotu o le pasefika mo lesi 5 tausaga. E atinae’a ai vaega uma o loo mana’omia mo talavou o le silia i le 12 atumotu ole Pasefika o loo agavaa.