O le afioga i le Minisita o Pisinisi, Alamanuia ma Leipa, Leota Laki Lamositele na saunoa aloaia, e tatala le mafutaga faaleaoaoga, a tina o le Pasefika, o taulamua i oloa faatau i fafo, poo le Pacific Women in Export Leadership Workshop.
O le faatasiga lea na faia ile faletalimalo o le Tanoa Tusitala ananafi, 22 Ianuari 2024.
Ma auai atu iai le sui o le malo o Peretania i Samoa, Gareth Hoar. Peita’i o saunoa le Minisita, Leota, ile tele o oloa, ave i fafo ua iai nei ma le siitia o maketi, ae ole agai e faa fetaui ma le mana’omia o oloa.
Na faafetaia e le Minisita le International Trade Centre, ae ole polokalame o faapaaga male United Kingdom, ile faapaaga ile Pasefika, ae ole ofisa ole Komesina o Peretania i Samoa, male Asosi o fale gaosi oloa i Samoa, ae o oloa faatau i fafo, ua fili fili ai Samoa e fai mai iai le mafutaga faaleaoaoga.
O le faatasiga mai i Samoa, o se tasi o amataga mo ona totino, e faamalosiau ai . saunoa Leota, E mamao tele Samoa i Lonetona, LA poo Tokyo, ae poo le a na mamao e mafai lava e tina ona oo iai ana oloa.
O le faatasiga foi lenei e faasoa ai faamanuiaga ma maua ai avanoa atili mo fefaatauaiga, i le agai i luma
Ole mataupu lea o loo lauga ai, pei ona saunoa le Leota, e tele sona sootaga iai, talu taimi sa avea ai ma Faatonu o le faalapotopotoga o le Small Business Enterprise Center a Samoa, lea ua Small Business Hub.
Ua ia folafola foi, le ave o lana lagolago ile vaega lea, ma manuia fuafuaga uma ma faamoemoega a’o iai i Samoa.
Peita’i ole agaga foi lea na saunoa iai le sui o le Peretania i Samoa, Gareth Hoar, i taualumaga olenei mafutaga ile vaiaso lenei, o le’a faa’oaina i latou o auai, i tomai e saga unaia ai a latou pisinisi, ma faasoa o latou tomai, i isi auala e maketi ai oloa, ma le mautinoa.
O le 2019 lea na amata ai le faapaaga ea ma le UK TPP, ma ua faalautele atu ai nei ile Pasefika. Ae o le lagolago na avatu ai Samoa, ile Olympia Beauty Trade show and Professional Beauty i Lonetona, ma faaali ai ana oloa faanatura. Organic beauty products.
