Ua faalauiloa faalauaitele mai ai e le Pulega o tagata maimoa mai fao le STA le tatala aloaia lea o le resitalaina poo le faaulu atu o talavou ma soo se tagata e agavaa i faafiafiaga ua lautogia mo le Teuila 2023.
O Faafiafiaga e tauva ai e aofia ai le Mauluulu, Sasa ma le faataupati e $300 e resitala ai, o le siva ailao afi e $50, o taaloga faaleaganuu e $100,
O faleaiga ma fale mo mea taulima e $300, o le itu e vane ai soo mea taulima e leai se resitala e totogiina, ma le tuugafautasi e $500.
Peitai ua faamaonia mai foi e le laulau o le Kirikiti Samoa o le aso Toanai nei o le fonotaga mulimuli lea a le Komiti ma au e 14 ua mautinoa o lea resitala ile taamilosaga o le Kirikiti Samoa mo le Teuila.
Ma e le na o le pau nei o polokalame o lea faatinoina i le Teuila o lenei foi tausaga, ma o aso faapitoa foi nei e le taumate le siitia ai foi o le tamaoaiga o le atunuu aua e le gata o tagata i atunuu mamao o lea malaga mai ae o fefaatauaiga i totonu lava o le tatou atunuu.
