Tatala Lise Marie i tua ma tuutuuga mai leoleo

SHARE NOW

O le faaoso a leoleo lea na latou avane ai Samuelu Le’au ma lona to’alua ile aso Faraile ole vaiaso talu ai, e loka, e talitonu le tamaitai aoga a le Iunivesite Aoao a Samoa, Lise Marie Schmidt, e le’i tupu fua.

O lona manatu, ose auala lelei ae ose avanoa ua aumai e le Atua e finau ai le amiotonu, poo ai na maliu ai Tuuau Maletino, ose tama aoga foi ole Iunivesite a Samoa.

O Ms Schmidt oloo aoga ile faiga o suesuega e sootaga i mataupu faatusitala ma le faasalalau ile NUS.

Peita’i na ta’ua ile tatou faatalanoaga, ua tatala mai ia i tua, ile Aso Gafua, i lalo o tuutuuga, e aofia ai le taumamao mai ia Samuelu Leau ma lona toalua ia Sivai.

O le toalua lena na maua faatasi atu latou e leoleo ile ofisa o le latou loia ile Aso Faraile talu ai, o ia sa alu ane lava ia i le ofisa o leoleo i lana taavale.

Sa ia ofo atu lana fesoasoani i leoleo, ma afua ai ona alu i le ofisa o leoleo i lana taavale, peita’i mulimuli ane ua taofia ai e leoleo lana taavale ma lana telefoni.

Ae avatu ia i Tanumalala, mo po e tolu, ma mafuta atu ai i isi foi tamaitai o loo taofia ai i lalo ole vaaiga a leoleo.

Peita’i o sueseuga a leoleo, o loo faia pea, e sootaga uma lava ile maliu lilo o Tuuau Maletino, na tuuaia ai e Samuelu le faipule o Faleata, ae maona ane ai i luga ma tuuaiga o isi faipule ole maota, e aofia ia ma le faipule ua tuumalo.

O auga o lena suesuega, ua faasee ese ai le Minsita o leoleo ma le mataupu lea, ona e aiga ile faipule o tuuaia e Samuelu, ma faamalolo ai leoleo e toalua.

Ae le’o mafai lava ona maua e leoleo a Samoa ni molimau e molia ai se avetaavale na maliu ai Tuuau,

E ui ina folafola e le Komesina ole 2021 ile iai ose faipule ua masalomia, ma toe moloaua lena folafolaga, ae tausaga mulimuli ane, toe foi leoleo ile aiga o Tuuau i Vaitele ma ta’u iai ua leai ni faamaumauga sa faia muamua, ina ia toe fai ane nisi faamatalaga.

E oo mai nei, ua amata ona faagaioi le tagi a Samuelu ma le aiga o Tuuau, tauala i latou loia, e faaulu atu ile faamasinoga.

O ta’ua Ms Schmidt ua fai foi lana loia o le aso 20 ole masina lenei o Fepuari e valaau ai latou ile faamasinoga faaitumalo.