11 Tesema 2024: Ua tatala ai nei le fale faapitoa mo taaloga soka ile malae taaalo o le Apia Paka, ile Aso Gafua 9 Tesema 2024.
Ole fale taaalo lea a FFS poo le Football Federation of Samoa (FFS) e tusa o le $12miliona tala lona tau.
Ma ose fale taaalo sili ona tele atu ile atunuu pei ona lipotia e le Savali a le malo, e lata ile fa tausaga o fau, 3 tausaga ma le 9masina, peita’i na iai foi le sao o le malo e ala ile tiute o oloa na aumai e silia ile miliona tala.
O le fale taaalo e aofia ai le malae soka atoa, e lua, mafai ona faaaoga mo isi meafai e ofi ai le 2,000 tagata, ma le itu e faia ai taaloga faataitai.
Peita’i ua aofia ai foi ma le potu fono, o le ofisa tutotonu o le soka, ma faleoloa e lua, e ese mai isi avanoa mo pisinisi I lesi itu, ae o ona fale ui i fafo.
O le fale taaalo lea ua iai malae soka i totonu, ua ausia tulaga faavaomalo, e mafai ona faaaoga o sesi malae mo taaloga faavaomalo.
Ma saunoa ai le Minisita le tumau o taaloga, ma mea faafiafia, le Minisita o Tupe, Lautimuia Uelese Afoa Vaai, i le mitamitaga ua mae’a lea sao tele ole FIFA. Ma saga maua ai e Samoa avanoa e talimalo ai i lea taaloga ile tatou itulagi.
Ma ooti aloaia ai e le Sui Palemia, Tuala Tevaga Iosefo Poinfasio ma le sui Peresetene ole FIFA, ae o le Peresetene o le Oceania Footbal Confederation OFC, Lambert Maltock.
