E tusa lava pe ua tatala tuaoi faalevaomalo o Samoa i isi atunuu, e tatau lava ona atoa tui o le tagata malaga mai, ma ia faaali lava lona pepa tui ia mafai ai ona ulufale mai ile tatou atunuu.
Talu ona o loo alia’e mai pea isi siama e sootaga i le Covid 19, ma isi faama’i pipisi o loo ave iai le mata’itu faalevaomalo, pei ole Monkeypox, ile pipisi atu i isi atunuu pei o Samoa, ua tatau ai ona mataala i femalagaiga ia faalevaomalo.
Ile fautuaga o tagata malaga a le Matagaluega o le Soifua maloloina, ole vaega 29 ole Health Ordinance 1959, fautuaina malosi, tagata malaga uma lava mai le 12 tausaga agai i luga le mattua, e aofia ai ma le aufaigaluega i luga o le vaalele, e ao ona atoa o latou tui a’o le malaga mai i Samoa.
O tui ia o loo aloaia e le WHO, faalapotopotoga o le Soifua Maloloina ole lalolagi, e aofia ai le AstraZeneca, Pfizer, Moderna, Sinophatm, Sinovac, Covaxin, Novavax and Janssen-single dose.
O loo tapa ai lava le faamaoniga ua faia tui, e le gata i le taimi e lei alu i le vaa, ae o le taunuu mai foi i Samoa.
E le’o taliaina lava se faaamaoniga o tui ini email, poo nisi ala o fesootaiga faaonapo nei. Ma ia sili atu i le ua vaiaso talu ona uma ona faia na tui a’o lei malaga mai.
Ae mo pasese e iai aiaiga faapitoa ona o tulaga tau ile soifua maloloina, e tatau ai lava ona fesootai mai ile ofisa o le soifua maloloina 30 aso a’o lei malaga mai i Samoa, i mafuaaga o le leai oni tui puipui o le koviti o faia atoa ma faamaoniga. Ae a le faamalieina na tulaga, e le mafai ona ulufale.
