Tatala tusi talosaga mo Avanoa Sikolasipi a le Ofisa o Tagata Faigaluega a le Malo (PSC)

SHARE NOW

E 10 avanoa sikolasipi ua faasalalau faalauaitele mai e le Ofisa o tagata faigaluega a le Malo Public Service Commission (PSC), i luga o le itulau o fesootaiga televave a le Malo.

Peitai o na sikolasipi e eseese uma tuutuuga ma aso e tatala ai i tua ma le tuuina atu i totonu o tusi talosaga pea ma’ea ona faatumu maliega o loo i totonu.

O sikolasipi nei e le gata mo fanau aoga e moomia le fesoasoani i le itu tau tupe mo pili aoga i Samoa lava. Ae mo soo se tasi foi o loo faamoemoe e toe fa’aauau a’oa’oga i Samoa ao isi Atunuu, pei o Saina, Ausetalia, Niu Sila, Iapani, Amerika, poo le Iunivesite o Samoa NUS, ma le Iunivesite o le Pasefika USP.

Mo le sikolasipi o le NUS Partial Award na amata tatala i tua mo tusi talosaga i le aso o le resitala a le Iunivesite, 30 Ianuari 2023 ma oloo faagasolo lava i le vaiaso lenei. O le sikolasipi a le NZ category na tatala ananafi le aso muamua o Fepuari tusi talosaga, ma e tapunia le aso 28 o le masina nei.

Le sikolasipi o le Australia Open Category na tatala ananafi tusi talosaga, tapunia le aso 1 o Me o le tausaga nei.

Sikolasipi mo le Fujian Program na tatala le masina ua mavae ma e tapunia le aso 17 o le Fepuari.

Le sikolasipi o le Commonwealth New Zealand- tatala le masina lenei tusitalosaga ma e faagata ia Mati 2023. O le sikolasipi mo Iapani e tatala le masina o Setema faatumuina o avanoa ma faagata ia Novema o le tausaga nei.

Mo le sikolasipi le Commonwealth i le United Kingdom e tatala ia Novema 2023. Sikolasipi i Saina lea ua faamautu mai e tatala ia Tesema ma faagata ia Ianuari 2024.

Sikolasipi a le Univesite a le Pasefika mo le mataupu Fai Faatoaga e faafesootai le laumua i Alafua. Ma le sikolasipi o le NZ short term training, e leo mautu mai se aso e amata ai.

E mafai ona piki mai tusi talosaga mo avanoa sikolasipi uma nei, i le Ofisa o Tagata Faigaluega floor 2 i le Maota o le Malo i Apia.