O loo faaauau pea le faatalanoaga o le tala i le tupe faasoasoa ale Malo a le FAST.
Ae ua mau i famaumauga le talosaga a le faipule o Sagaga 2, Maulolo Taviti Amosa, ile malo, e faaititia le lafoga VAGST mai le 15 ile 5 pasene, talu le taugata o le soifuaga ua iai nei.
Na saunoa lagolago le faipule ile fuafuaga a le malo ma lana tala o le tupe faasoasoa, ile ave ai lea o lana faataua ile atinaeina o nuu ma itumalo.
Na pa’i atu foi le lauga a Mauolo ile taua o auaunaga lautele ile atinaeina o Samoa, Ma talosagaina ai le siitia o totogi ile 7-10pasene ia fesoaosani ile atunuu lautele ile taugata o le soifuaga o iai nei. O se laasaga o le’a faaaoga ai fanua faaleaganuu, e itumalo ose vaega o le faaaogaina o lana miliona tala .
E le gata ina tatalo Maulolo i le malo e faapa’u le VAGST mai le 15-5 pasene, ae na talosaga fou le sui lava lea o le HRPP, i nisi auala e faapa’u ai le tau o le penisini, poo le suauu.
Ma na ia pa’i foi ile leai ose vaalele o iai nei, mo le malo e silasila ile tatau ona iai se vaalele a Samoa lava ia, o lesi lena auala e tosina atili mai ai tulisi ile atunuu.
