E malie faalogologo upu o pese ma fisaga agi malu o faafiafiaga I Satapuala.
Peitai o loo faaofi mai ai male tatalo a Satapuala faaauala mai Ile pese ale pitonuu o Sasolomua . Ile malo sei toe tagai ane Ile igoa ole Malaevaalele “sei faasa’o ane lava Malae Vaalele I Satapuala”.
Ole tagi ale pitonuu lea Ile malo ua toe faamanatu ai le ave o latou fanua. Ua fau ai le malaevaalele.Leai se upu na’o loimata Upu ole pese na lologo iai Sui Ole Malo na auai, Afioga Ile Minisita o Faamasinoga Matamua Vasati male Minisita ole Siosiomaga Toesulusulu Cedric Schuster.
Ole pese a Satapuala o faafiafiaga faaleaganuu. Na amata mai Sasa a Satapuala ile 7am ae ua afa le 11am ae faatoa faaiuiu mai le pitonuu mulimuli o Salelele’aalii.
Ae na vevela mai lava le la Ile 8am lea ua 4 itula o tau le mamalu ole afioaga ma ona pitonuu Uma e fa ma le vevela ole la. Vagana le Paia Ile aufaigaluega ale Atua oloo faamalu I fale ie.
Ole afioaga lenei e 9 tapuaiga eseese oloo iai.
Mai pitonuu e fa , e silia ile 100 le aufaafiafia mai lava I fanau 6 tausaga le matutua, I talavou, matua male malosi ole nuu. O pese faaleaganuu o lesi lea o auala filemu e molimoli atu ai faitioga, tima’iga, faafetai, ma viiviiga pei ona molimauina ile pese ale pitonuu o ta’ua I luga.
