Ua manino mai nei le mafuaaga o le salalau o lapisi tulou ile tolu vaiaso o le vaitau o aso malolo sa tele ina faitioina ai le tua’i ona ao o otaota i se vaega o nuu i totonu o le li’o lima maila ole taulaga.
Ua faailoa e le afioga i le Minisita o Tulisi, Toesulusulu Cedric Schuster: “atonu ose lape ile auaunaga a le Matagaluega, ae o konekarate na tuu atu iai.
Ole taimi nei, ile konekarate, sa iai ile tolu tausaga talu ai, e le’o iai le aoina o lapisi i aso malolo.
Ua toe tapena ai ile tausaga nei, ma tuu iai lea vaega, ua oo mai le FAST, sa lape ai i tausaga ua mavae.
O aso malolo e tele ai lapisi, ona o faalavelave, afai ole Aso Lua se faalavelave, ae faatoa ao ile Aso Faraile, ole mafuaaga lena, ma e ao ona toe faaopopo aso e ao ai le lapisi i totonu o aso malolo.
Ae le’o se ‘alo ole matagaluega, e aoga foi mea tutupu.
