Tau aa’o e aoga tulaga lua o le Itumalo o Salega 1 le afe tala mo le Mapuifagalele

SHARE NOW

E tasi le afe tala lea ua fai meaalofa atu ai aoga tulaga lua mai le itumalo o Salega numera 1 mo le maota o tama ma tina matutua.

O meataumafa e pei o ato talo, pusa moa, na auvatu faatasi ma le seleni e fesaosoani ile tausiga o matua ua nofoia lea nofoaga.

O aoga tulaga lua muamua nei mai Savaii ua mafai ona asia ma ofo atu se meaalofa mo lea apitaga. Saunoa le faipule o le itumalo le afioga ia Fepuleai Faasavalu Faimata, o le faatupeina o le asiga o fanau nei, o le seleni na vavae ese mai le tupe o le miliona ale itumalo lea na faamatuu atu.

Peitai o se aoaoga taua ma se faamanuiaga lea i fanau o lea foi itumalo ina ua mafai ona latou asia le maota o le Palemene le aso ananafi, o le fale vaaitau, o le Iunivesite Aoao o Samoa, o le Matagaluega o Aoga taaloga ma Aganuu, ma le Mapuifagalele.

Taua e le tamaitai puleaoga a Samata i uta olea toe taliu atu alo ma fanau pea maea ona savavali e ile fu’a o le 61 tausaga o le tu toatasi o Samoa ile aso a Taeao.