E 4 itumalo o le motu nei Upolu o loo tuufaatasia latou taumafaiga e ala i aitema ma polokalame e sootaga i le auga ma le faamoemoe o le polokalame a le Matagaluega o aoga.
O le faataua lea o tusitusi, ma le faitautusi i le mataupu faa Saienisi ma le Matematekia, o itumalo e aofia ai -Lepa ma Lotofaga -Aleipata -Fagaloa.
Ma na saunoa faapitoa iai le afioga i le ofisa sili o aoga, ia Aeau Christopher Hazelman e tatala aloaia ai le faamoemoe.
Ae na ia ave le faamamafa ile taua tele o le galulue faatasi o faiaoga, matua ma le Matagaluega o aoga taaloga ma aganuu, aua o le mea moni e le o se galuega faigofie.
O le polokalame nei a le Matagaluega o aoga na amata mea mai ai le ituotane numera 2 o le Motu tele i Salafai. Ua 6 ai nei o tausaga talu ona faavaeina lenei famaomoe taua a le Matagaluega o Aoga ona o se fofo lea ua manatu le matagaluega e faaauau pea, ona o le tulaga i le faaletonu o le faaiuga o aoaoga a le fanau i le faitau tusi, tusitusi, Matematika ma le Faa-Saienisi.
