Ua faamagalo ma leai se faasalaga o faia I le atalii 17 tausaga lea na mu ai se vaega o le pamu kesi i Saanapu ile masina o Fepuari o le tausaga nei.
Ae I faamaumauga mai lena taimi, na o ai le atalii lea ma ona tauaiga e utu penisini ile pamu lea, ae na taaloalo lava le atalii lea ile afi kesi ile taimi na utu ai le latou fagu pau, ma apoia atu atu le fagu ma sosolo atu ai i le masini, ae oso le taavale lea ma o ese vave.
I faamaumauga lava ia , o le atalii e nofo I le aiga o le tina talu mai le 2018 I Siumu ae o ona matua e nonofo I Ausetalia. O loo faamauina foi le faatoesega na alu ile aiga e ana le pamu kesi. Faatoa molia lea ise solitulafono, pei ona faamauina e le Faamasino, Justice Tuala Warren, ma o loo iai le faamoemoe e toe foi I Ausetalia, e faauma ana aoga.
Ae o loo faamauina foi le ogaoga o aafiaga o le pamu i le tulaga tau tupe, toe o ese ae lei fesoasoani ina ua mu.
O lea ituaiga o solitulafono e oo atu lona fasalaga I le 14 tausaga I le faepuipui, pei ona faamauina e le faamasino.
Peitai ile folasaga a loia na tu’uina atu I luma ole faamasinoga, pe a afai ae faamaonia soligatulafono, ole a aafia ai le lumanai ole atalii, ma le toe foi atu I Ausetaia, e faauma ana aoaoga ile Iunivesite,
