4 Tesema 2024 O le asiasiga a le Faafafine Association, ile lotoa o le Campus of Hope ile vaiaso nei lea na faaleo ai e le Peresetene o le Asosi, Susuga Alex Su’a, lagona faanoanoa o ona ia taimi o laititi, e le taumate le faatusalia i lagona mafatia o fanau i taimi o sauaina e le’i oo i totonu o le Campusa of Hope.
Insert: “E iai le taimi e pei ai matou o outou, e inosia ma sasa matou e o matou matua, faasa ona matou ofu ini ofu teine, tusa lava pe oute manao iai, i aso ia ao ou laititi a fai lotu tamaiti oute ita i ou matua pe aisea e le mafai ai ona faatau ou ofu teine e pei o ou tuafafine, ae fasi a au e ou matua ma faaofu i ofu tama, ae le taitai tutusa ma mea o loo ou iloa, o le ala lea o loo matou oo mai e faaopopo atu si na ata mo otou vaai mai ile felanulanu ai o foliga o tamaitai tauva, e le gata i lea o le tele o foliga eseese o loo omai ma le au tauva, afai e te ata faafetai ua maua se ata, aua o le auga ole matou omai e faaata ma faafiafia otou aua o loo otou faanoanoa. e iai isi o matou e fai matou fanau fai, o le ala lea o le isi matou oo mai aua a matou vaai atu i le tulaga lea o loo iai otou e lagona ai lava lea o le faanoanoa ae matou te fiafia foi o lea e iai le nofoaga nei e lagolago ma fesoasoani ia otou, lea e masani ona matou omai e momoli mai meaalofa e tau ona fesoasoami ile tausiga o otou.”
Ole asiasiga a le vasega o faafafine, na malaga faatasi atu ai ma faafaine tauva o le tauvaga faafafine mo se nate tauavea le pale o le 2025.
Peita’i na faafetaia e le pulega o le Toomaga le avanoa ua faasoa ai faafafine i laasaga o latou soifuaga ma lagona ole tagata, ma le faasolo ai ina maua foi e latou ole saolotoga ua iai nei.
