O loo toatele alo ma fanau o Samoa i galuega faa vaitaimi I Ausetalia, o loo matuã nunumi, ona ō le tulaga i latou visa 403 na ulufale ai i Ausetalia, ma faamatalaga na ave i ai e latou fale faigaluega, ē lē mafai ona fili a latou lafoga faa le tausaga, (tax lodgement), pe afai e 9 masina le umi o le konetarate.
O le toatele o tagata nuu o Samoa ua leva ona aumau i Ausetalia, o le vaitau lenei, mai le aso muamua o Iulai i tausaga ta’itasi, ē amata ai ona fili lafoga faa le tausaga (tax claim lodgements) ma maua ai ni tupe tetelē a le toatele o i latou e faigaluega.
Peitai o le ofi atu o alo Samoa i galuega faavaitaimi i Ausetalia, i lalo o le visa 403, e toatele ē leiloa nei mau faamanuiaga, ma leiloa le faagaioiga o le filiina o latou tax.
Pei ona faapipii ma’i i faamaumauga o loo i luga o le matagaluega o lafoga a ausetalia (A T Ō), o loo agavaa ai i latou ei luga o le visa 403 e ave ai i totonu a latou lafoga faa le tausaga. O lona uiga, ē agavaa uma ai lava i latou o loo i lalo o le polokalama 403, pei ona fesiligia ai le ofisa o lafoga a Ausetalia, ma latou faamaonia mai ai lea agavaa.
Molimau le sui o le tatou polokalama mai Ausetalia,ua iai fanau na faigaluega faavaitaimi I totonu o le 9 masina a latou konetarate, ua manuia ai, ma tãlia e le ofisa o lafoga latou talosaga
