Tauaao e le Ofisa ole Ao ole Malo le faamavaega a Luamanuvao

SHARE NOW

Ole amataga ole masina talu ai o Me na tuuina atu ai le faamavaega a le tamaitai Pule o le Ofisa o Sulufaiga, Luamanuvao Katalaina Sapolu i lana afioga ile Ao ole Malo o Samoa. 

Peita’i ile tali mai a le sui Ofisa sili, Susuga a Faualo Pepe Seiuli  ile Leitio Polenisia, o ta’ua ai lea laasaga ua oo iai , ma o le aso mulimuli o Ombudswoman Luamanuvae, ole aso 30 o Iuni. 

Ole tamaitai loia ia Luamanuvao ua tele ma ‘oa lona silafia ile tulafono, e le gata i Samoa nei lava ae o le faalevaomalo.  

 Na amata galue atu lava i Samoa, ile Ofisa Loia o le Sapolu mai le 88 i le 92. 

Silia i le 15 tausaga o galue i le Ofisa o le failautusi a malo ole Taupulega na amata galue ai mai le 2002 ose fautua ma sa faaulu foi iai mataupu tau tulafono, ma le vaega o mataupu tau faavae . 

Lata i le lua tausaga o galue o le Chief Legal Counsel mo le Ofisa ole failatutusi a le ACP, poo Aferika, Caribean, ma Setete ole Pasefika i Brussels, ile 2012. 

 Sa avea foi o ia ma faatonu o le  Rule of Law Division o le  Commonwealth Secretariat   2013 – 2017.

A’o lei tofia e fai ma faatonu sinia mole faatonutonuina le tausiga o le filemu mai le 2017 ile 2019. Ma toe taliu mai ai i Samoa. Lea o loo galue ai nei ile Ofisa o Sulufaiga.