O le taeao nei lea sa tauaao ai le meaalofa tinoitupe a nisi o tama ma teine tuai o le kolisi o Avele o loo I Vailima lea e oo atu I le 10,000 tala le aofaiga o le selei atoa ua latou maau iai I le taeao analeila.
I le faatalatalanoaga a tatou talafou ma se tasi foi o sui mai le tausaga faauu lea na ia faailoa ai e faapea o lenei meaalofa na latou o le faamoemoe o le latou tausaga ua leva ona fuafuaina ma talanoaina e ala I se latou poloketi mo le aoga peitai ua manatu le latou tausaga e sili ona ave sao lava I le laumua aua le fesoasoani I le fausia ma le toe faamaeaina ai o le fausia o le hall a le laumua ia tau ai foi le latou tausaga e ala I le latou sao o tama o teine tuai o le 2005-2009 na togi le latou maa I le fausiaina o le hall aua mea fai a le kolisi mo le lumanai o le ala lena o le faamoemoe o lenei taeao.
Na ia taua e le nao le pau lea o le latou ua latou ave mo le kolisi e iai le tele o isi tausaga e ave ai lava meaalofa tau seleni aua le kolisi ma a latou galuega o loo faatino.
O le afioga I le puleaoga o le kolisi maualuga o Avele le afioga ia Otila Sooalo le agaga faafetai a le tausaga faauu ole 2005-2009 lea ua latou maau iai I lenei taeao ma le manatu atu lava I le kolisi ao faasauni atu ai o le faamantuina ole 100 tausaga o le laumua ao le faamaeaina ai o le fausiaina o le hall a le kolisi.
