O le a faailoga foi lenei fonotele a le EFKS Ekalesia Faapotopotoga Kerisiano Samoa, i lana mealofa masani, po o lana Tautua Puapuaga o Tagata. E tauaaoina atu ai le mealofa tupe, e fesoasopani i galuega faatino a maota gasegase faamama toto, i Upolu nei ma Savaii.
Pei ona atofa ai ile aso, e tauaao atu ai le $70afe tala mo le galuega faatino a le Matagaluega o le Soifua maloloina, faapitoa lava lea mo le Vaega o loo iai gasegase faamama toto, Kidney foundation.
O le tupe lea pei ona saunoa le tatou paaaga mai totonu o le Mafutaga a Tina ole Ekalesia, ua uma ona tuuvaevae, le 70afe. E 30afe mo le falemai faamama toto i Motootua, 20afe mo le falemai faamamatoto i Tuasivi, ma tai 10afe tala mo le maota gasegase i Motootua ma Tuasivi Savaii.
O nei seleni Paia pei ona saunoa le afioga i le Failautusi a le Mafutaga a Tina o le EFKS, ae o seleni nei e ao mai i a latou faigataulaga.
O le aso e tauaao aloaia atu ai le maau ole Mafutaga a Tina o le EFKS, i maota gasegase ua faapitoa iai, le fale faamama toto.
