E 15.3 pasene le siitaga o le tau o oloa pei ona faamauina e le ofisa o fainumera a Samoa mo le masina o Setema 2022, faatusa ia Setema o le 2021. Ae .2 pasene ua maualuga ai nai lo masina i luma atu.
O lena maualuga ole taugata o oloa e mafuli lava i le sii foi o oloa faatau mai fafo 21 pasene mai le masina o Setema o le tausaga talu ai, ua afua ai foi ona sii le tau o suauu , taumafai faatau mai fafo, oloa fau fale, oloa tau faletaele, fasimoli, tulinamu mo le masina o Setema.
O le sii ole tau o oloa ia Setema loo aofia ai, peinisini, kiso, kalasini, sima, kesi ogaumu, laupapa, vaemoa, alaisa, pata, tauau pipi, ga’o , falaomata, aniani, ipu saimigi, pisupo, pateta, lialia, pepa toilet, pauta tagamea ma tulinamu.
O loo lipotia foi ile faamaumauga lava lea, le sii ole tau o pasese vaalele, sii le tau o le valaau ile telefoni i le minute, internet, talo, i’a, fa’i, panikeke, vai faatau, popo, taamu, ma taumafa faatau, ua oo atu i le 9.1pasene le sii o tau o na oloa e maua i le tatou atunuu.
