I le tuliloaina o polokalame talo mua a le Matagaluega o faatoaga ma faigafaiva o loo taulamua ai lona Minisita,
Lea foi na molimauina ile vaiaso nei , Aso Lulu 8 Iuni i Falelauniu tai.
O aiga ia ma vaiaai, e le tele ni fanua galue o loo iai, ma o le tele foi o aiga i lea oga eleele o Faleata ua na’o fanua lava e nonofo ai aiga .
Peita’i o lea na mafai e le Susuga i le faafeagaiga ia Tavita Kapeli ona tuufaatasi le latou faaaliga o fua o faatoaga, mai lava i taumafa pei o talo ma fualaau faisua, fualaau suamalie o laau faamatagofie ai fale .
O le tele o le aufaifaatoaga na faia le faaaliga lea a Falelauniu tai, o tagata lotu lava ale Susuga ile faafeagaiga ia Taviti Kapeli,
Ma ia faafetaia a ile malo i le lagolago faifaipea, e ala at ile matagaluega o faatoaga ma faigafaiva. Ma o le’a faauaa foi ona toto pe a latou faatogaa e fesoasoani ai i tagata.
Saunoa foi le Minsita ole Matagaluega, Laaulialemalietoa Polataivao, i faamanuiaga e maua e o tatou tagata, ile galulue faatasi ai e atina’e i soo se itu aemaise ole lava pea lea o taumafa. O le tele lava o fua o faatoaga na faaali i le Aso Lulu , na faamealofa atu ile maota o matua tausi i Mapuifagalele ma le Maota o Taupousa Monike i Vailima.
O lesi laasaga o le galuega faifaatasi ile va o le matagaluega ma faifaatoaga, o Falelauniu tai, na faamealofa atu iai, meafaigaluega, mo faatoaga, ma fatulaau toto eseese, e faamalosi’au ai i faifaatoaga ma taulamua lava latou e faaleleia atili a latou faaeleleaga.
