Taumafai le Toa Samoa e faamalie ona valaaulia

SHARE NOW

O le tele o molimana’o ma valaaulia a le Toa Samoa , ua vaevae ai le au i vaega, ina ia tofutofusia valaaulia i totonu o nai aso o loo malaga mai ai tama.Pei ona molimauina ile latou asiga i le Mapuifagalele i le aoauli ole aso Faraile.

E silia i le itula o faatali tama ma tina matutua ae o le pulega, peitai, na maualuga le agaga o le faafetai ina ua afe atu.

Mai le toa 15 ole au a le Toa Samoa o loo iinei, e toa fa na fili atu faatasi ai ma sui e toalua o le pulega, e feiloa’i ma tali le valaaulia mai Mapuifagalele, e aofia ai le Sui kapeteni, ole uigi ma isi.

Na faamaualalo le sui o le pulega ile fai o sina tuai atu, ona o le tau faatofutofusia lava o valaaulia.

O le evaga a tina ma tama matutua ma tama o le au, e aofia ai faigasiva o puega ata, ma faatalanoaga.

Ua atofa ile vaa o le valu ole Aso Toonai e malaga ai le au i Savaii e pa’i atu ile tapuaiga a Pule ono ma Salafai, ma toe taliu mai ai. O le Aso Sa ole tausaga fou  e feiloa’i ai ma aiga ma toe taliu ai le au i le Aso Gafua, 2 o Ianuari.