Ole lotu tuufaatasi a le aiga o le FAST i Alaska Amerika, lesi lea o molimau ola o le malaga ma le Atua.
Ina ua taunuu ma le manuia le vasega o faipule ma le taitaifono ole vaega faaupufai a le FAST i setete o Amerika I Matu, ile faaiuga o le vaiaso I Kalefonia ma malaga atu i Alaska ma fai Sapati faatasi ai ma aiga ae o le mamalu o Samoa I Alaska.
Ole auga pei ona saunoa le taitaifono, Laaulialemalietoa Polataivao Leuatea Fossie Schmidt, ole asiasiga ma faafetaia Samoa o tapua’ia ma alagaina faamanuiaga a le Atua ia Samoa.
O le taamilosaga a le FAST I setete o Amerika i matu, o loo lafo tupe ai foi Samoa I na vaega o le lalolagi, o sasa ole faamanatuga o le tolu tausaga talu ona tula’i mai le faigamalo ale FAST.
O seleni e maua pei ona ta’ua e le komiti a Samoa i Amerika Kalefonia, o le’a fesoasoani e fau ai se fale o le FAST i Apia ma sona ofisa. Talu o le taimi nei o loo faafoe uma ana mea fai ile maota ole taitaifono, ia Laauli i Vaitele, le Maota Samoa.
