E taunuu ai i fanua ile vaiaso nei tino maliu o alii faigaluega faavaitaimi na maliliu ile faalavelave tau taavale i Niu Sila.
Ma e le na o tagata Samoa i Niu Sila oloo tiga aloga i fanau ua maliliu, pei ona molimauina le faamaisega mai le sui Palemia ole malo o Niu Sila, Winston Peters, ile feiloaiga ma taitai ole Pasefika i Niu Sila, ile vaiaso talu ai. Na saunoa le sui Palemia o Niu Sila e faamafanafana i aiga, ma aumea faigaluega ai laua ua maliliu. Ae olea mata’itu e lona malo se faiga e le gata i Niu Sila ae o Samoa, e fai ma faamāmā avega.
Ole feiloaiga lea a le mamalu o Niu Sila ile maota Samoa i Sagele, e sootaga ile pili a le faipule ia Teanau Tuiono, i lona faitauga faalua ile palemene o Niu Sila, ole pili 1982, e toe faafoi ai le tagatanuu Niu Sila o tagata Samoa soifua pe na fananau ile va ole aso 13 Me 1924 ma le aso 1 Ianuari 1949.
Peita’i na aveesea e le Palemia o Niu Sila i lena tausaga 1982, ma saini e le Palemia o Samoa i lena vaitau.
Ose mataupu e manatu le Palemia o Samoa Fiame Naomi Mataafa pei ona lipoti e le Leitio Niu Sila, ile saunoaga a le sui Palemia o Niu Sila, ose mataupu tau i lona malo ma ia tautino, oloo taatia lava lena pili ile maota mo se taimi.
Ae oloo latou tilotilo foi Niu Sila i popolega o malo ole Pasefika, ile amata ai ona ausage atumotu, ua tele ina malaga i fafo tagata.
Ma ia taua foi, ole manaoga o Niu Sila, ia siitia le tamaoaiga ole Pasefika ma o latou tagata i soo se auala.
Peita’i ole malaga atu o aufaigaluega faavaitaimi i Niu Sila, lesi lea mafuaaga ole to’agaogao o atumotu ma faapopoleina ai faigamalo.
Ma saga siitia ai le tamaoaiga o Niu Sila, ae sootaga ai ile maumau o soifua e fia o fanau a Samoa, ua afua ai le faamaisega a le Sui Palemia, Winston Peters ile feiloaiga ma taitai o Samoa i Niu Sila ile vaiaso talu ai.
