Ua iai sina fetuuaniaga ile taimi, e taunuu mai ai le vaa la’upasese fou, Lady Naomi lV e suia le Lady Naomi mo malaga i le va o uafu falevaomalo i Utulei Tutuila Amerika Samoa ma Matautu i Upolu Samoa.
Ile tatou faatalanoaga male afioga le ofisa sili o le Faalapotopotoga Vaa a Samoa, Afioga Leiataua Samuelu, na ia saunoa ai e “e iai fetuunaiga ona o le faaletonu o le tau, ole mafuaaga lea o le tuai mai, o loo iai le fuafuaga pe o le faaiuga o le vaiaso nei e taunuu mai ai le vaa fou, poo le po o le Aso FAraile, ile vaveao o le Aso Toona’i.
Saunoa Lei’ataua, pe’a taunuu le vaa, o gaioiga masani lava: e iai asiasiga e faia iinei a’o lei fealua’i e aofia ai ma le asiasiga a le Coast Guard a Amerika Samoa.
E faia siaki ole saogalemu, faatoa mafai ai ona malaga le vaa i Amerika Samoa, ma tuta ai.
I le momoli maiga o le Vaa ia Samoa mai le Iapani, e to’a valu le auvaa o Filipino o loo aumaia, faatasi ai ma le auvaa e to’a ono a Samoa o loo faaauvaa mai.
Mai lava i le ofisa o faalapotopotoga Vaa, E taunuu le Lady Naomi i le faaiuga o le vaiaso, ile tatou atunuu,
Saunoa Leiataua : “E le’i aumaia ia Samoa le vaa, na faua le vaa i Iapani, faato’a faatino ai asiasiga uma mulimuli, seiloga e faamalieina mea uma faatoa tauaao ai lea e Iapani ia Samoa.”
E aofia ai ma le siaki o le saogalemu a le malo o Amerika Samoa, lea e auga iai le faamoemoega atoa o femalagaiga a le vaa.
O le vaa la’u pasese na faatupe mai e le malo o Iapani, i lona tau e tusa ole $66.74 miliona tala, e suia le Lady Naomi o fealua’i ai nei ile va o Samoa e lua. Ua silia ma le 20 tausaga talu ona tautua.
Saunoa Leiataua, e faato’a malolo lava le Lady Naomi o iai nei, pe’a oo ina mae’a lelei tapenaga faalelotoifale o le vaa fou. E faatasi lava ona malaga le vaa i le vaiaso, i le motu i Sasa’e i po o Aso Tofi , e la’u uta ma le pasese.
