Ua amata aloaia ai nei galuega a le Vaa toso a le malo o Samoa lea na faapa’ia ai ile aso Lua 9 Aukuso 2022.
Ma tuuina atu ile pulega o le Uafu, pei ona molimauina ile sauniga faapitoa na auai atu iai le afioga i le Palemia Fiame Naomi Mataafa na ia tatala aloaia le ala aga’i atu i luga o le sa, e ala i le o’otiina o le lipine.
Ole vaa toso, ua faaigoa i le Sa’ula 60, ma saunoa iai le Minisita o gafa ma le pulega o Uafu ma Malaevaalele, Olo Afoa Fiti Vaai,
Na malo ai le kamupani Hong Kong Cheoy Lee ile fauga o le vaa, faatupe e le faletupe o Atina’e Asia ile tau e faitau miliona tala Amerika.
E na’o le iva aso na folau mai ai le vaa, lea ua tutua ai nei ile uafu i Matautu mo galuega pei o ole faatonutonuina lea ole aumaia i totonu o vaatetele, toso pe tulei faapipii ile uafu mole saogalemu.
