E toatolu faamasino mai Niusila o mataupu tau soligatulafono, o lo’o fa’agasolo le latou aoaoga mo loia o loo galulue i le faaamasinoga a Samoa I Mulinuu.
O Faamasino nei, e aofia ai Judge Andre Wiltens Judge McNaughton ma Judge Patel.
O le aso mulimuli lenei o le latou aoaoga o loo faaaoga iai potu o le faamasinoga maualuga, ma faia ai faataitaiga o mataupu tau faamasinoga, ile ituaiga o fesili ma metotia e faaaoga e loia ile taimi e fesiligia ai se molimau.
O tamaiti aoga mai le NUS sa faia ma molimau faataitai , a loia ma faamasino. Ma tatou fesiligia ai le tamaitai Loia Samoa ia Josie Fuimaono ile taimi ole malologa, o lana tala, o se faamanuiaga mo loia a tatou i Samoa nei lea fesoasoani ua aumaia.
O faamasino nei mai Niusila, na o mai lava latou, totogi o latou pasese ma malaga mai e ofo le fesoaosani taua ile latou vasega o loia, ile faatinoga o galuega aemaise ile fesiligia ai o molimau ma taualumaga ose mataupu solitulafono.
E faauma mai ile aso le mafutaga faaleaoaoga, o faia, o loo faaaoga potu faamasino ole faamasinoga maualuga.
