Taunuu Samoa le Minisita o Atinae Faavaomalo a Ausetalia

SHARE NOW

Na taunuu ai ile afiafi o le aso Lua o le vaiaso nei i laufanua o Samoa le Minisita o Atinae Faavaomalo a Ausetalia, le susuga ia Pat Conroy.

I se pepa o faamatalaga oloo iai le naunautaiga o lenei Minisita e feiloai atu ile Palemia o Samoa le afioga ia Fiame Naomia Mataafa, ma le ao o le Malo le afioga ia Tuimalealiifano Vaaletoa Sualauvi le 11 ma nisi o toe ulutai o le palemene.

Ao lei toe tuua Samoa mo Vanuatu ma nisi o atu motu o le Pasefika.

O le manulauti o le malaga mai o le Minisita sei talanoaina le faamautu ma faamausali le faigapaaga a atunuu e lua ina ia mautinoa o loo sologa lelei tulaga uma Peitai o nisi o vaega e aofia i totonu olea talanoaga a malo e lua, e aofia ai suiga maaleale o le tau, tulaga faalevaifafo ma le saogalemu aemaise o itu tau taaloga lakapi.

Ma o le Ofisa Sila o le Vāifafo a Samoa le afioga ia Pesetā Noumea Simi na ia faafeiloaia le afioga i le Minisitā i le malaevaalele i Faleolo.