“Taunuu vaalele tuusa’o mai Saina ma tulisi i Samoa” Olo

SHARE NOW

E taunuu i le Aso Sa nei 28 Me le vaalele tuusa’o mai Saina ma tagata tafafao maimoa mai, poo tulisi ile tatou atunuu.

Ua fetaui lea faamoemoe ma sasa ole taualugaina ole 60 tausaga tutoatasi o Samoa , ae ole faafeiloa’i atu ile tausaga lona 61 o lona saolotoga. 

O le vaalele malaga sa’o mai Saina, ma lana aumalaga o tulisi e silia I le 150, pei ona faamaonia mai e le AFioga ile Minisita o Malaevaalele, Olo Afoa Fiti Vaai ile faatalanoaga ma le Leitio Polenisia.

Saunoa Le afioga ile Minisita ia Olo, ole malaga muamua lava lea e taunuu mai ile Aso Sa nei, ma lana pasese e silia ile 150.  O lesi malaga ua fuafua mo le aso 3 o Iuni. 

O le vaalele foi lena e toe foi ai le uta o tulisi lea na taunuu ile aso Sa 28 Me. 

 Saunoa le afioga a Olo, ua taumafai ai le malo e aumai tulisi e fesoasoani ile tamaoaiga ole atunuu. 

Ma ia fautua ai foi ile tatau ai lea i le au faifaletalimalo ona tapena mo le lolofi mai o tulisi mai Hong Kong.