Fai meaalofa Amau i tama uma o loo ile Mapuifagalele.
E tupu tele mea o e lima foa’i ae le tupu mea teu pea, o se tasi lea o fuaitau e agatonu i le alofa foa’i a le Kamupani a Amau mo tina ma tama matutua o loo tausia i le Mapuifagalele i soo se aso faamanatu o tausaga uma.
Pei ona ae ai foi se tofa i le alii pule ma le mamalu o le aufaigaluega a Amau e faatino se latou foai mo tama i lo latou aso faapitoa ua toe o se aga ona aulia lea.
Ma o se vaaiga uiga ese i tama matutua o loo tausia i totonu o lenei nofoaga ina ua amanaiaina i latou i lenei aso taua e faasino toni iai latou o tama e ui e leo mafuta ma o latou aiga ma fanau moni e ono ala atu ai se meaalofa.
Ua avea lava i matou ma sui vaaia o le aufaigaluega ma le alii pule e momoli aloaia mai se taumafai vaivai aua foi tama o loo aumau i le Mapuifagalele nei.
“Lea ua tapenaina tou meaalofa ia ua uma ona teu ina e tauaao ai lava le meaalofa, faamalulu foi tina aua a oo foi le tou aso faapitoa ia pei e ave a le faamuamua ia outou ae o le aso e faasino i tama ia ua afua ai nei meaalofa.”
Saunoa le sui o le aufaigaluega o le anavatau masani lava lea a Amau i soo se aso faamanatu o tausaga taitasi o le saunia lea o meaalofa mo tina uma lava o loo i totonu o le Mapuifagalele e aofia ai ma tamaitai taupou sa o loo nafa ma le galuega.
