O le tausaga muamua lenei ua faamauina ai le auai o le tamaitai ia Miracle Afele e iai a’afiaga tumau o le soifua i le tauvaga sailiga o se lalelei o Digicel Samoa 2023, lea e faia i le Teuila o le tausaga nei.
O le tamaitai ia Miracle o loo lagolagoina lea e le Asosi o faailoga ma le gagana faitaga, ma e toa 10 ai ia te ia tamaitai lalelei o lea faia ai le tauvaga, e toa tolu tamaitai mai atunuu i fafo ae fitu tamaitai o loo nonofo ma aumau i Samoa nei.
E lua aso ua faatulaga e faia ai le tauvaga o le aso 6 le aso Lulu lea o Setema e faia lea i luma maota o le malo, ae o le tauaaoina o le pale mo le tamaitai o lea manumalo e faia lea i Tuanaimato i le aso 10 o Setema.
O vaega o lea mafai ona togi iai lenei tauvaga o le laei Samoa, laei mo tafaoga poo taelega i le matafaga, taleni, faatalatalanoaga, o le amio, o le tamaitai e tele ina filifili e tagata, ma nisi lava o vaega taua.
Ae o tamatai o lea tauva e aofia ai le Miss Samoa Niusila ia Cherish Faamanu Manai, Helen Vera Isitolo Lemisio, Karameli Sera Purcell o le miss Arilei Couture, Miracle Afele, Moeloto Vitolia Tuilaepa Tiatia o le miss Lototau Agency.
Miss Samoa New South ia Moemoana Safaatoa Schwenke, miss Apia Insurance Company ia Nicolina June Ah Kuoi, Siliva Siaea, miss Lavashe Couture ia Tashana Lee Opelu ma le Miss JADS Samoa le tamaitai ia Vaelei Von Dinklage.
O se tasi o tamaitai ia o lea manumalo o lea sui tulaga ai loa i le tausala o Samoa o loo tu mai le foe i le taimi nei le susuga ia Haylani Kuruppu.
